Влашич пеналтидан гол уриб, Торино кетма-кет иккинчи ғалабасини олди

Италия А Сериясининг ўрта поғонасидаги Сассуоло ва Торино якшанба куни ўзаро баҳс ўтказди. Учрашувда хавфли вазиятлар кўп бўлмади, натижа эса асосан ҳакам қарорларига боғлиқ кечди.

22-дақиқада меҳмонлар ҳужумчиси Че Адамс учун пеналти белгиланди, бироқ VAR текширувидан сўнг ҳакам аввалги қарорини ўзгартириб, 11 метрлик жарима зарбасини бекор қилди. 65-дақиқада эса Джош Дойгнинг Джованни Симеонега ишлатган қўпол ҳаракати аниқ пеналти бўлди.

Зарба нуқтасига келган Никола Влашич ишончли ижро этди, дарвозабон йўналишни топа олмади — 0:1. Шу тариқа, ЦСКА собиқ футболчиси Влашичнинг голи Торинога кетма-кет иккинчи ғалабани тақдим этди.

Бу натижа жамоани турнир жадвалида 12-ўринга кўтарди. Сассуоло эса тор-мор бўлишига қарамай, Торино билан солиштирганда бир очкога кўпроқ жамғарган.