Ўзбекистонда кафе ва ресторанлар даромади ошди
Фото: Миллий статистика қўмитаси
2026 йилнинг январ–март ойларида Ўзбекистонда умумий овқатланиш соҳасидаги корхоналар савдо айланмаси сезиларли ўсишни қайд этди. Миллий статистика қўмитаси маълумотларига кўра, ушбу даврда кафе ва ресторанлар умумий тушуми 49,8 триллион сўмни ташкил этган.
Қайд этилишича, бу кўрсаткич 2025 йилнинг мос даври билан солиштирилганда 8,2 фоизга юқори бўлган. Бу эса мамлакатда умумий овқатланиш соҳаси барқарор ривожланаётганини англатади.
Расмий маълумотларга кўра, 2026 йил 1 апрел ҳолатига кўра, республика бўйича умумий овқатланиш тармоғида 27 минг 312 та тижорат корхонаси фаолият юритмоқда. Уларнинг асосий қисми шаҳар ҳудудларига тўғри келади.
Мутахассислар фикрича, соҳадаги ўсишга аҳоли даромадларининг босқичма-босқич ортиши, хизмат кўрсатиш маданиятининг ривожланиши ҳамда умумий овқатланиш нуқталари сонининг кўпайиши сабаб бўлмоқда.
