Жерар Мартин «Барселона»нинг «Челси»дан кейинги ўзгаришини айтди

«Барселона» футболчиси Жерар Мартин жамоанинг ғалабали серияси ҳақида фикр билдирди. Ноябрь ойи охирида каталонияликлар Чемпионлар лигасида «Челси»га йирик ҳисобда мағлуб бўлган эди — 0:3.

Шундан сўнг Испания гранди барча мусобақаларда кетма-кет еттита учрашувда ғалаба қозонди. «Ҳа, «Челси»дан учралган мағлубият оғриқли бўлганди.

Тан олиш керак, у бизга яхшироқ бўлишга ёрдам берди, ривожланиш ва тинимсиз меҳнатга туртки берди. Ўйлайманки, ҳозир бутунлай бошқа «Барселона»ни кўряпмиз», — дея Мартиннинг сўзларини келтиради BarcaTimes.

Якшанба куни «кўк-анорранглилар» Ла Лиганинг сафар ўйинида «Вильярреал»ни 2:0 ҳисобида мағлуб этди. Ханс-Дитер Флик бошқарувидаги жамоа Испания чемпионатида пешқадам бўлиб турибди ва Мадриднинг «Реал» клубини 4 очко ортда қолдирмоқда.