Хаби Алонсо январь трансферларини сўради, «Реал» жавоб берди

Мадриднинг «Реал» клуби бош мураббий Хаби Алонсонинг январь ойидаги трансферлар бўйича илтимосларини ҳозирча бажариш ниятида эмас. Бу ҳақда euro-football.ru хабар беради.

ESPN хабарига кўра, Алонсо қишки трансфер ойнасида таркибга бир нечта янги футболчи қўшилишини истамоқда. Бироқ клуб раҳбарияти айрим позициялар кучайтирилиши кераклигини тан олса-да, фавқулодда зарурат бўлмаса, қишда футболчи сотиб олмаслик стратегиясидан чекинмоқчи эмас.

18 турдан сўнг «Реал» Ла Лига жадвалида 42 очко билан иккинчи ўринда бормоқда ва етакчи «Барселона»дан тўрт очко ортда қолган. 4 январь куни Хаби Алонсо жамоаси ўз майдонида «Бетис»ни қабул қилади.