Люка Зидан Африка кубогида ўйнаш шараф эканини айтди

Афсонавий футболчи Зинедин Зиданнинг ўғли Люка Африка Миллатлар кубогидаги иштироки ҳақида фикр билдирди. Бу ҳақда euro-football.ru хабар беради.

Дарвозабон сифатида у ушбу турнирда Жазоир терма жамоаси сафида майдонга тушмоқда. Зиданнинг жамоаси илк учрашувда Суданни 3:0 ҳисобида мағлуб этди.

«Биз Буркина-Фасога қарши ўйинга тайёргарлик кўряпмиз. Машғулот яхши ўтди, рақиб ҳам кучли жамоа эканини биламиз. Мен учун Африка кубогида ўйнаш катта шараф», — дея Люка Зиданнинг сўзларини келтиради RMC Sport.

Ҳозирда Жазоир ўз гуруҳида пешқадам. Буркина-Фасога қарши баҳс бугун, 28 декабр куни 22:30 да (Тошкент вақти билан) старт олади.