Корнеев «Барселона» ҳимоясини шармандалик деб баҳолади
«Барса»нинг собиқ ярим ҳимоячиси Игорь Корнеев Испания чемпионатининг 18-турида «Эспаньол»га қарши ўйинда каталонияликларнинг ҳимоядаги ҳаракатларини кескин танқид қилди. Бу ҳақда euro-football.ru хабар беради.
Муаммоларга қарамай, Ханс-Дитер Флик бошқарувидаги жамоа сафарда ўтган каталон дербисида 2:0 ҳисоби билан ғалаба қозонди.
«Эспаньол»га катта эътироф. Менимча, улар ноҳақ ютқазди. «Барселона»ни футболчиларнинг индивидуал маҳоратӣ қутқариб қолди. «Барселона» ҳимояси эса уятли ўйнади — шармандалик», — деди у.
Корнеев фикрича, «Эспаньол» бу баҳсда йирик ҳисобда ҳам ғалаба қозониши мумкин эди. Бироқ «Барселона»ни дарвозабон Жоан Гарсия асраб қолди: у айнан «Эспаньол»дан ўтган ва ўйин давомида маҳаллий мухлислар томонидан қаттиқ норозилик билан кутиб олинган.
