АПЛнинг уч клуби «Реал» дарвозабони Лунини кузатмоқда

Мадриднинг «Реал» клуби дарвозабони Андрей Лунин Англия Премьер-лигасининг бир нечта жамоалари эътибор марказида турибди. Бу ҳақда euro-football.ru хабар беради.

TEAMtalk хабарига кўра, украиналик посбонни «Тоттенҳем», «Брайтон» ва «Ньюкасл» таркибига қўшиб олиш вариантини кўриб чиқмоқда. Бироқ бу трансфер осон кечмайди: Луниннинг «Реал» билан амалдаги шартномаси 2030 йилгача мўлжалланган. «Қироллик клуби» футболчиси учун қанча маблағ сўраши ҳозирча номаълум.

Лунин 2018 йилдан буён «Реал» сафида тўп суради. Жорий мавсумда у атиги икки ўйинда майдонга тушиб, ушбу учрашувларда 5 та гол ўтказиб юборди.

Transfermarkt маълумотларига кўра, Андрей Луниннинг бозор қиймати 15 миллион еврони ташкил этади.