Рафинья “Реал” устидан ғалабадан сўнг ҳисларини айтди
“Барселона” ҳужумчиси Рафинья Диас Испания Суперкубоги финалида Мадриднинг “Реал”ини 3:2 ҳисобида енгганидан кейин ўйин ҳақидаги фикрлари билан ўртоқлашди. Бу ҳақда euro-football.ru хабар беради.
Бразилиялик вингер учрашувда дубл қайд этди: 36-дақиқада ҳисобни очди, 73-дақиқада эса ғалаба голини уриб, жамоасига кубокни тақдим этди.
“Биз бу ерга дам олиш учун эмас, ютиш учун келдик. Ўйлайманки, ҳар икки ўйинда ҳам яхши ҳаракат қилдик: вазиятни назорат қилдик ва муносиб тарзда ғалабага эришдик. Қачонки шунчалик жам бўлсак, бизни енгиш жуда қийин. Иккинчи бўлимдаги ўйинимиздан мамнунман — кайфият жуда юқори эди, ҳаммаси ўхшади”, — дея Рафиньянинг сўзларини келтиради Barca Universal.
Шу тариқа, “Барселона” бош мураббий Ҳанс-Дитер Флик қўл остида сўнгги бир ярим йил ичида ўзининг тўртинчи совринини қўлга киритди.
