Эбуэ Дёкерешнинг «Арсенал»да очилмаётган сабабини айтди

Лондоннинг «Арсенал» клуби собиқ футболчиси Эммануэл Эбуэ ҳужумчи Виктор Дёкерешнинг жамоа сафидаги ўйинларига муносабат билдирди. Бу ҳақда euro-football.ru хабар беради.

Швециялик форвард Англияга кўчиб келганидан кейинги илк мавсумида «канонирлар» таркибида ҳали тўлиқ очила олмаяпти. Эбуэ фикрича, гап фақат ҳужумчининг ўзида эмас.

«Мен Дёкерешни Португалияда ўйнаган пайтида кўп кузатганман — у жуда зўр ҳужумчи. Жисмонан кучли. Аммо муаммо шундаки, «Арсенал»нинг қанот футболчилари унга етарлича кўп пас бермайди. Уларнинг барчаси гол уришни хоҳлайди, лекин Виктор — марказий ҳужумчи. Гол уриш унинг вазифаси», — деди Эбуэ.

Ивуар футболчи Тьерри Анрининг жамоадошларга кўп бор эслатиб турадиган гапларини ҳам ёдга олди: «Анри менга, Клишиги, Эшли Коўлга ва бошқаларга у ҳужумчи эканини, шунинг учун голларга муҳтожлигини доим айтарди. “Тушунаман, сиз ҳам гол уришни хоҳлайсиз, аммо сизнинг ишингиз — вазият яратиш”, дерди», — Эбуэнинг сўзларидан иқтибос келтиради Arsenal News Channel.

Дёкереш «Арсенал» сафида 27 ўйинда 9 та гол муаллифи бўлган.