Компани 39 ёшли Джеконинг «Шалке»га ўтишини баҳолади

Мюнхеннинг «Бавария» клуби бош мураббийи Венсан Компани 39 ёшли ҳужумчи Эдин Джеконинг «Шалке» сафига кўчиб ўтгани ҳақида фикр билдирди. Бу ҳақда euro-football.ru хабар беради.

Компани Джеконинг шу ёшда ҳам юқори савияда тўп сураётгани унинг профессионаллиги билан изоҳланишини таъкидлади. Мураббий сўзларига кўра, жамоа ичида бу мавзу дарвозабон Мануел Нойер билан ҳам тез-тез тилга олинади ва бундай формада узоқ қолишнинг калити айнан интизом ҳамда касбга муносабатдир.

«Ҳозирги босқичда унинг трансфери “Шалке” учун жуда муҳим бўлиши мумкин. Унга энг яхши тилакларимни билдираман», — деди Компани клуб матбуот хизматига берган интервьюсида.

Эслатиб ўтамиз, Эдин Джеко ва Венсан Компани 2011–2015 йилларда «Манчестер Сити»да бирга ўйнаган.