Анж-Йоанн Бонни гол урди, «Интер» йирик ғалаба қозонди

Италия А сериясининг 22-тури «Интер»нинг «Пиза» устидан йирик ҳисобдаги ғалабаси билан бошланди. Кристиан Киву бошқарувидаги миланликлар рақибини 6:2 ҳисобида мағлуб этди. Бу ҳақда euro-football.ru хабар беради.

Учрашувда гол урганлардан бири Анж-Йоанн Бонни бўлди. Ҳужумчи ўйиндан кейинги суҳбатда ҳис-туйғуларини яширмади.

«Гол уриш ёқимли, аммо ғалаба қозониш бундан ҳам ёқимли. Энди жуда муҳим учрашув олдидан яхшилаб дам олиш керак», — дея Боннининг сўзларини fcinter1908.it келтирди.

Ғалаба «Интер»нинг чемпионат жадвалидаги етакчилигини янада мустаҳкамлади. Кейинги турда миланликлар «Кремонезе»га қарши майдонга тушади.