«Бавария» мағлубиятидан сўнг Европада 8 клуб ютқазмади
Мюнхеннинг «Бавария» клуби шанба куни жорий мавсумдаги илк мағлубиятини қабул қилди — жамоа ўз майдонида «Аугсбург»га имкониятни бой берди. Бу ҳақда euro-football.ru хабар беради.
Натижада Европа футболида ҳозирча мағлубиятсиз кетаётган клублар сони саккизтага тушди. Улар орасида, аввало, Португалиянинг икки гранди — «Порту» ва «Бенфика» ажралиб турибди. «Порту» чемпионатдаги 18 ўйиндан 17 тасида ғалаба қозонган, фақат бир учрашувда дуранг қайд этган.
Сан-Марино чемпионатида ҳам икки жамоа ҳануз мағлубият нималигини билмаяпти — «Ла Фиорита» ва «Тре Фиори».
Фарер оролларида «Клакcвик», Шимолий Македонияда «Вардар» ҳам турнирни ютқазмасдан давом эттирмоқда. Чехияда «Славия», Туркияда эса «Фенербахче» ҳозирча мағлубиятсиз сериясини сақлаб қолган.
