Давид Трезеге Буэнос-Айресда «Ривер Плейт» раҳбариятига қайтди

Туриннинг «Ювентус» клуби ва Франция терма жамоасининг собиқ ҳужумчиси Давид Трезеге яна Аргентинага қайтди. У аввалроқ «Ривер Плейт» сафида ҳам тўп суриб, ҳатто Аргентина футболининг иккинчи лигасида чемпионликни қўлга киритган эди. Бу ҳақда euro-football.ru хабар беради.

Бу гал Трезеге майдонга эмас, клуб бошқарув тизимига кириш учун Буэнос-Айресга келди. «Ривер Плейт» уни раҳбарият иштирокидаги тақдимот маросимида жамоатчиликка таништирди.

Клуб Трезегенинг аниқ лавозимини очиқламади, бироқ у стратегик йўналишлар бўйича ишлаши ва «Ривер Плейт»ни институционал даражада вакиллик қилиши айтилди.

Эслатиб ўтамиз, француз футболчи профессионал фаолиятини 2015 йилда якунлаган.