Давид Трезеге Буэнос-Айресда «Ривер Плейт»га қайтди

Туриннинг «Ювентус» клуби ва Франция терма жамоасининг собиқ ҳужумчиси Давид Трезеге яна Аргентинага йўл олди. У аввалроқ «Ривер Плейт» сафида ҳам тўп сурган ва жамоа билан мамлакатнинг иккинчи дивизиони чемпионлигини ҳам қўлга киритган. Бу ҳақда euro-football.ru хабар беради.

Бу сафар Трезеге майдонга эмас, клуб бошқарув тизимига қўшилиш учун Буэнос-Айресга қайтди. «Ривер Плейт» уни раҳбарият иштирокида тақдимот маросими орқали таништирди.

Француз мутахассисининг клубдаги аниқ лавозими ҳозирча очиқланмади. Шунга қарамай, у стратегик масалалар билан шуғулланиши ва «Ривер Плейт»ни институционал даражада намоён этиши айтилди.

Эслатиб ўтамиз, Трезеге футболчилик фаолиятини 2015 йилда якунлаган.