The Athletic талқинида тарихнинг энг яхши футболчиси аниқланди

Ижтимоий тармоқларда The Athletic томонидан тузилган футбол тарихидаги 100 нафар энг кучли футболчи рўйхати кенг муҳокамага сабаб бўлмоқда. Бу ҳақда euro-football.ru хабар беради.

Рейтингнинг илк ўнлиги қуйидагича кўриниш олган: Лионел Месси, Диего Марадона, Пеле, Йохан Кройф, Криштиану Роналду, Альфредо ди Стефано, Франц Беккенбауэр, Зинедин Зидан, Ференц Пушкаш ва Мишель Платини.

Бундай рўйхатларни мутлақо холис тузиш қийин экани таъкидланади. Reddit’даги изоҳларда мухлислар ўртасида қизғин баҳслар авж олган, хусусан, уч карра жаҳон чемпиони Пеле нега фақат учинчи ўринга қўйилгани айримларни норози қилган.

Шунингдек, афсонавий дарвозабон Лев Яшин ушбу рейтингда 18-поғонадан жой олган.