Роналду «Ал-Наср» ғалабасига икки эмодзи билан жавоб берди
Криштиану Роналду мураббий билан келишувга кўра ОФК Чемпионлар лигаси 2 гуруҳ босқичи ўйинларида майдонга тушмаяпти. Бироқ етакчисисиз ҳам «Ал-Наср» натижа қилишда давом этмоқда. Бу ҳақда euro-football.ru хабар беради.
Саудия клуби чоршанба куни гуруҳдаги бешинчи учрашувини ҳам ютди: Тожикистонда «Истиқлол» 4:0 ҳисобида йирик мағлуб этилди. Шу тариқа «Ал-Наср» гуруҳни биринчи ўринда якунлаб, кейинги босқичга йўл олди.
Ўйиндан сўнг Роналду ижтимоий тармоқларда жамоасининг плей-оффга биринчи ўрин билан чиққанлиги ҳақидаги хабарни репост қилди ва унга икки эмодзи — олов ҳамда олқиш белгисини қўшди.
40 ёшли футболчининг «Ал-Наср» билан амалдаги шартномаси 2027 йилнинг ўрталаригача мўлжалланган.
Шунингдек, интернетда Роналду ва Тожикистон ҳақида тарқалган сохта хабар ҳам муҳокама қилиняпти.
