Ҳоланн голлар камлигидан норози эканини тан олди

"Манчестер Сити"нинг марказий ҳужумчиси Эрлинг Ҳоланн сўнгги ўйинлардаги натижадорлиги борасида фикр билдирди. Бу ҳақда euro-football.ru хабар беради.

Норвегиялик форвард 2026 йил бошидан бери барча мусобақаларда 12 учрашувда майдонга тушиб, атиги уч бор рақиб дарвозасини ишғол қилди.

"Мен янада жам бўлишим, ҳар жиҳатдан яхшироқ ўйнашим керак — бунинг устида ишлайман. Нега яхши натижа кўрсата олмаганим ҳақида гапиришни хоҳламайман. Ўйлайманки, бунга ҳеч қандай баҳона йўқ", — дея Ҳоланннинг сўзларини ESPN келтирди.

Жорий мавсумда 25 ёшли ҳужумчи барча турнирларда 36 та ўйинда қатнашиб, 28 та гол ва 6 та голли узатма қайд этган. Ҳоланннинг "Манчестер Сити" билан шартномаси 2034 йилгача амал қилади.