Непомняшчий Сафоновнинг ПСЖ сафидаги сўнгги ўйинларини баҳолади
Машҳур россиялик мураббий Валерий Непомняшчий Францияда ПСЖ дарвозасини қўриқлаётган Матвей Сафоновнинг сўнгги учрашувлардаги ўйини ҳақида фикр билдирди. Бу ҳақда euro-football.ru хабар беради.
Яқинда Россия терма жамоаси посбони жорий мавсумдаги еттинчи ўйинини ўтказди. Принципиал тўқнашувда парижликлар «Марсел»ни йирик ҳисобда мағлуб этди — 5:0.
«Мен доим айтаман: у ўйнаши керак. Худо хоҳласа, шундай давом этади. У ўз ўйини билан кўп марта ҳаммасини исботлаган», — дея Непомняшчийнинг сўзларини келтиради «Match TV».
Эслатиб ўтамиз, Сафонов 2023 йилда «Краснодар»дан Лига 1 га кўчиб ўтганди. ПСЖ сафида 26 ёшли дарвозабон Чемпионлар лигаси, FIFA Қитъалараро кубоги, UEFA Суперкубоги, шунингдек Франциядаги барча совринлар — Лига 1, Кубок ва Суперкубокни қўлга киритган.
