Джикия «Антальяспор»даги ҳолати ҳақида қисқа изоҳ берди
Туркиянинг «Антальяспор» клуби ҳимоячиси Георгий Джикия жамоа сафидаги ҳозирги аҳволи юзасидан фикр билдирди. 32 ёшли футболчининг сўзлари акс этган видеони «FNL s Ilyovym» телеграм-канали эълон қилди. Бу ҳақда euro-football.ru хабар беради.
— «Антальяспор»да ишлар қалай? — деган саволга Джикия «Ҳаммаси яхши, раҳмат», дея жавоб қайтарди.
Кейинги саволда Туркиядаги шароит ва ҳаёт уни қониқтираяптими, деб сўралганда, ҳимоячи кулимсираб: «Туркияда ҳаммаси жойида», — деди.
Джикия «Антальяспор» сафига ўтган ёзда келиб қўшилган. Шундан бери у 13 учрашувда майдонга тушиб, 2 та гол муаллифига айланган.
Ҳозирда «Антальяспор» Туркия Суперлигаси турнир жадвалида 14-ўринда бормоқда. Жамоа навбатдаги ўйинини 13-февраль куни ўз майдонида «Самсунспор»га қарши ўтказади.
