Роналдунинг таъсири: «Ал-Наср» раҳбари лавозимидан кетди

Криштиану Роналду атрофидаги бойкот воқеалари ортидан «Ал-Наср»да кутилмаган қарор қайд этилди. Arriyadiyah хабарига кўра, клуб директорлар кенгаши раиси Муҳаммад ас-Скит истеъфо аризасини топширди. Бу ҳақда euro-football.ru хабар беради.

Манбада айтилишича, амалдор бу қарорини шахсий ҳолатлар билан изоҳлаган, бироқ тафсилотларни очиқламаган.

Аввалроқ «Ал-Наср»да Роналдуга яқин бўлган португалияликлар — Жозе Семеду ва Симао Кутиньо — ваколатлари қайта тиклангани ҳақида маълумотлар тарқалган эди. Шунингдек, юлдуз ҳужумчига клуб ички муаммоларни бартараф этиш бўйича ваъдаалар бергани ҳам тилга олинмоқда.

Қайд этилишича, «Ал-Наср»нинг бошқарув тизимидаги ўзгаришлар ҳали давом этади. Жамоа ҳозирда турнир жадвалида иккинчи ўринда бормоқда.