Наумов Моуринью учун Саудия лигасини мос кўрди
«Локомотив»нинг собиқ президенти Николай Наумов «Бенфика» бош мураббийи Жозе Моуринью фаолиятини қайси чемпионатда давом эттириши мумкинлиги ҳақида фикр билдирди. У ўз мулоҳазаларини «Евро-Футбол.Ру» нашрига берган интервьюсида айтди. Бу ҳақда euro-football.ru хабар беради.
Наумовнинг таъкидлашича, Моуринью учун энг ёрқин давр ортда қолган бўлиши мумкин. Унингча, португалиялик мутахассис бироз танаффус қилиши керак, чунки футбол тенденцияларидан ортда қолган: авваллари сирли ва ноодатий услуби билан ажралиб турган мураббий ҳозирда оддийроқ ва кутилган кўринишга келиб қолган.
Эксперт Моуринью учун энг қулай йўналиш сифатида Саудия Арабистони чемпионатини тилга олди. Наумов фикрича, у ерда маошлар юқори, шов-шувларни яхши кўришади ва ёши катта, номдор футболчилар билан ишлаш имконияти кўп.
Айни пайтда Моуринью бошқарувидаги «Бенфика» Чемпионлар лигаси 1/16 финалида Мадриднинг «Реал» жамоасига қарши майдонга тушади. Дастлабки учрашув 17-февраль куни Португалияда бўлиб ўтади.
