Жикия «Антальяспор»даги ҳолати ҳақида гапирди
«Антальяспор» ҳимоячиси Георгий Жикия Туркиядаги фаолияти борасидаги саволларга жавоб берди. 32 ёшли футболчининг қисқа изоҳи «FNL s Ilyovym» телеграм-каналида эълон қилинган видеода намойиш этилди. Бу ҳақда euro-football.ru хабар беради.
Жикия клубдаги ишлари қандай кетаётгани ҳақидаги саволга «ҳаммаси яхши» дея жавоб қайтарди. Кейинги саволда Туркиядаги шароитлар кўнглидагидек экани сўралганда, у жилмайиб, ҳаммаси ўзига мос келаётганини айтди.
Эслатиб ўтамиз, Жикия ўтган ёзда «Антальяспор» сафига келиб қўшилганди. Шу пайтгача у жамоа сафида 13 учрашувда майдонга тушиб, икки бор гол урди.
Ҳозирда «Антальяспор» Туркия Суперлигаси турнир жадвалида 14-ўринда бормоқда. Жамоа навбатдаги ўйинини 13 февраль куни ўз майдонида «Самсунспор»га қарши ўтказади.
