«Бока Хуниорс» клубида янги спорт директори тайинланди

Аргентина гранди «Бока Хуниорс» клубида спорт директори лавозимига Марсело Делгадо тайинланди. У жамоа президенти Хуан Рикелме билан яқин ҳамкорликда ишлайди. Клуб таркибни зудлик билан кучайтиришга муҳтож ва янги тандем трансфер ҳамда кадрлар масалаларини тезкор ҳал қилишга киришади. Бу ҳақда euro-football.ru хабар беради.

Делгадо футболчилик фаолиятида ҳам кўп нарсага эришган: у Аргентина терма жамоасида 1995–2002 йилларда 18 учрашувда майдонга тушган, жумладан 1998 йилги Жаҳон чемпионати доирасида ҳам ўйнаган. 2003 йилда эса у «Сантос» ҳужумчиси Рикардо Оливейра билан бирга Либертадорес кубоги тўпурари бўлиб, турнирнинг энг сермаҳсул футболчиларидан бири сифатида эътироф этилган.