Oppo Рено 16 серияси 25-май куни тақдим этилади
Oppo компанияси Рено 16 смартфонлар туркумининг расмий тақдимот санасини эълон қилди. Янги қурилмалар 25-май куни маҳаллий вақт билан соат 18:00 да кенг жамоатчиликка намойиш этилади. Линейкадан Рено 16 ва Рено 16 Pro моделлари ўрин олиши кутилмоқда. Бу ҳақда Ixbt.com хабар беради.
Смартфонлар замонавий ОЛEД-дисплейлар билан жиҳозланади. Рено 16 модели 6,32 дюймли, Pro-версия эса 6,78 дюймли экранга эга бўлади. Ҳар икки қурилма мослашувчан янгиланиш частотасини қўллаб-қувватлайди. Ишлаш унумдорлиги учун MediaTek платформалари танланган: базавий модел Dimensity 8550, Pro-версия эса кучлироқ Dimensity 9500с чипи билан ишлайди.
Янги смартфонларнинг асосий устунлиги уларнинг аккумулятор сиғими бўлади. Қурилмалар 7000 мА/соат сиғимли батарея ва 80 В қувватга эга тезкор қувватлаш технологияси билан таъминланади. Pro-версия, шунингдек, 50 В қувватдаги сиmsиз қувватлаш функциясига ҳам эга бўлиши мумкин.
Камера имкониятлари ҳам флагман даражасида бўлиши кутилмоқда. Смартфонлар учта модулдан иборат тизим билан жиҳозланади: 200 MP асосий Samsung сенсори, 50 MP ультра-кенг бурчакли объектив ва 50 MP телеобъектив. Ушбу техник хусусиятлар Рено 16 сериясини бозорнинг энг рақобатбардош қурилмаларидан бирига айлантириши кутилмоқда.
