«Атлетик» «Реал Овьедо» устидан иродали ғалабага эришди
Испания чемпионатининг 24-турида «Атлетик» сафардa «Реал Овьедо»га қарши майдонга тушди. Бу ҳақда euro-football.ru хабар беради.
Учрашувнинг биринчи бўлимида мезбонлар кутилмаганда олдинга чиқиб олди: 30-дақиқада Федерико Виньяс узатмасидан кейин Ильяс Чайра аниқ зарба билан ҳисобни очди.
Иккинчи таймда билбаоликлар вазиятни ўзгартирди. 58-дақиқада Микел Ҳаурехизар жарима майдони ташқарисидан кучли зарба йўллаб, мувозанатни тиклади — 1:1.
Орадан кўп ўтмай Иньяки Уильямснинг бош билан йўллаган зарбаси Давидад Кармунинг қўлига тегди ва ҳакам пеналти белгилади. 71-дақиқада Оян Сансет 11 метрлик зарбани марказга йўналтириб, дарвозабонни чалғитди — 1:2.
Шу тариқа «Атлетик» кетма-кет иккинчи ғалабасини қўлга киритиб, турнир жадвалида 8-ўриндаги «Реал Сосьедад»га етиб олди. «Реал Овьедо» эса жадвалнинг энг паст поғонасида қолмоқда.
