Анчелотти Роналду профессионаллиги ва тикланиш сирини айтди

Бразилия терма жамоаси бош мураббийи Карло Анчелотти Криштиану Роналду ҳақида фикр билдириб, унинг меҳнатсеварлиги ва тартиб-интизомини алоҳида таъкидлади. Бу ҳақда euro-football.ru хабар беради.

Анчелоттининг сўзларига кўра, Роналду бир сафар унга: «Жуда кўп сув ўсимликни ўлдиради», деган. Мураббий бу ибора футболчининг юклама ва тикланиш ўртасидаги мувозанатни жуда яхши тушунишини англатишини қўшимча қилди: футбол катта жисмоний талаб қўяди, аммо тикланиш ҳам шунчалик муҳим, ортиқча зўриқиш эса жароҳатларга сабаб бўлади.

41 ёшли португалиялик ҳужумчи ҳозир Саудия Арабистонининг «Ан-Наср» клубида тўп сурмоқда. Унинг шартномаси 2027 йил ўрталаригача мўлжалланган. Роналду фаолияти давомида «Олтин тўп»ни беш марта қўлга киритган.