«Ал-Ҳилол» Карим Бенземани жароҳат сабаб йўқотиши мумкин

«Ал-Ҳилол»нинг юлдузли янги футболчиси Карим Бензема жамоа машғулотлари вақтида сон қисмидан жароҳат олди. Бу ҳақда клуб матбуот хизмати маълум қилди. Бу ҳақда euro-football.ru хабар беради.

Француз ҳужумчисининг «Ал-Таавун»га қарши навбатдаги учрашувда майдонга тушиши катта савол остида қолмоқда. Яқин кунларда Бензема тиббий кўрикдан ўтади, шундан сўнг тикланиш муддати бўйича аниқ маълумот берилади.

Эслатиб ўтамиз, Бензема қишки трансферлар ойнасида «Ал-Иттиҳод»дан «Ал-Ҳилол»га ўтди. У янги жамоаси сафида уч ўйинда майдонга тушиб, учта гол ва битта ассист қайд этди.