Симоне Индзаги «Ал-Ҳилол»да босим остида қолмоқда
Саудия Арабистони чемпионатида «Ал-Ҳилол» ҳануз мағлубиятсиз юрибди, бироқ сўнгги турлардаги кетма-кет дуранглар жамоани турнир жадвалида учинчи ўринга тушириб юборди. Бу ҳақда euro-football.ru хабар беради.
La Repubblica хабарига кўра, мамлакатда Симоне Индзагини бош мураббийликдан бўшатиш эҳтимоли ҳақида гап-сўзлар кучайган. Айрим «Ал-Ҳилол» мухлислари ҳам италиялик мутахассисга қарши чиқмоқда.
Шунга қарамай, Индзаги вазиятга хотиржам қарамоқда: унинг шартномаси 2027 йил ўрталаригача мўлжалланган ва муддатидан олдин бекор қилинса, катта компенсация тўланиши кўзда тутилган.
Қайд этилишича, Симоне Индзаги маоши бўйича дунёдаги иккинчи энг кўп ҳақ оладиган мураббий саналади — ундан фақат Диего Симеоне олдинда. Индзагининг йиллик маоши 26 миллион еврoни ташкил қилади.
