Месси Марадона билан илк учрашуви ҳақида сўзлаб берди

Аргентина ҳужумчиси Лионел Месси аргентиналик футбол афсонаси Диего Армандо Марадона билан илк бор қандай танишганини эслаб ўтди. Унинг айтишича, бу учрашув телевидениедаги “La noche del 10” кўрсатуви вақтида бўлиб ўтган ва Мессини дастурга айнан Марадонанинг ўзи таклиф қилган. Бу ҳақда euro-football.ru хабар беради.

Мессининг сўзларига кўра, у таклифни олгач, рад этмасдан студияга борган. Ўша куни у билан бирга отаси, амакиси ва амакиваччалари ҳам келган бўлиб, уларнинг барчаси Марадона билан юзма-юз танишишга муваффақ бўлган. Месси бу учрашувни унутилмас воқеа сифатида таърифлади.

Эслатиб ўтамиз, Марадона 2020 йил ноябр ойида вафот этган.