Икарди агентлари «Галатасарай» билан келажакни муҳокама қилади

«Галатасарай» ҳужумчиси Мауро Икардининг агентлари футболчининг клубдаги истиқболи бўйича раҳбарият билан учрашув ўтказишни режалаштирмоқда. Бу ҳақда euro-football.ru хабар беради.

Инсайдер Николо Скира хабарига кўра, томонлар ўртасидаги музокаралар апрель ойида бўлиб ўтади.

Шу билан бирга, 33 ёшли форвардга қизиқиш билдираётган жамоалар ҳам бор — улар Икардини эркин агент сифатида шартнома таклиф қилиб қўлга киритишга тайёр.

Икардининг «Галатасарай» билан амалдаги битими 2026 йил 30 июнгача мўлжалланган. Футболчининг бозор қиймати 6 миллион евро деб баҳоланмоқда.

2025/2026 йилги мавсумда аргентиналик ҳужумчи 36 ўйинда майдонга тушиб, 15 та гол урди ва 2 та голли узатма муаллифи бўлди.