Арне Слот Ливерпул мухлисларига мурожаат қилди
Ливерпул бош мураббийи Арне Слот жамоа мухлисларига мурожаат қилиб, уларни ёзги трансфер ойнаси вақтида амалга ошириладиган ўзгаришларнинг таъсирини кам баҳоламасликка чақирди. Астон Вилла клубидан учралган 2:4 ҳисобидаги мағлубиятдан сўнг, мураббий таркибни тубдан янгилаш ва жамоа ишончини қайта тиклашга вада берди. Бу ҳақда Goal.com хабар беради.
Жорий мавсумда Ливерпул барча мусобақаларда 19-бор мағлубиятга учради. Ҳимоядаги муаммолар жамоани қийнамоқда: Англия Премер-лигасининг 38 ўйинида 52 та гол ўтказиб юборилди. Доминик Сзобосзлаи томонидан йўл қўйилган хатолар ва ҳимоядаги тартибсизликлар жамоанинг заиф томонларини яққол кўрсатиб қўйди.
Арне Слот Скй Sportс нашрига берган интервюсида мухлисларнинг хавотирини тушунишини, аммо янги трансферлар ва янги бошланиш жамоа ўйинини бутунлай ўзгартириб юбориши мумкинлигини таъкидлади. Унинг сўзларига кўра, жамоа нафақат кўп гол ўтказиб юбормоқда, балки ҳужум чизиғида ҳам етарли самарадорлик кўрсата олмаяпти.
Экспертлар ва рақиб футболчилар ҳам Ливерпул ҳимоясидаги бўшлиқларни танқид қилишмоқда. Хусусан, Жамие Каррагҳер жамоанинг тўп билан ва тўпсиз ўйини жуда паст даражада эканлигини қайд этди. Астон Вилла ҳужумчиси Оллие Ваткинс эса Ливерпул ҳимоячилари ўртасидаги тартибсизликдан унумли фойдаланганини яширмади.
