Антонио Рюдигер Реал Мадрид билан шартномани узайтиришга рози бўлди
Испаниянинг АС нашри хабарига кўра, Антонио Рюдигер Реал Мадрид билан шартномани узайтириш шартларига рози бўлди. Германия терма жамоаси ҳимоячиси клубнинг ёш чегараси бўйича қатъий сиёсатини қабул қилиб, Мадридда яна бир мавсум қоладиган бўлди. Бу ҳақда Goal.com хабар беради.
Реал Мадрид сиёсатига кўра, 30 ёшдан ошган футболчилар билан шартномалар фақат бир йилга узайтирилади. Дастлаб икки йиллик шартнома кутган Рюдигер якунда клуб талабига кўниб, жамоада қолишни маъқул кўрди. Бу қарор футболчининг клубдаги миссияси ҳали якунланмаганига бўлган ишончи билан боғлиқ.
Ўтган мавсум ҳимоячи учун жисмоний муаммолар сабабли оғир кечди. Сурункали жароҳатлар уни операция столига ўтиришга мажбур қилди, бироқ Лондондаги мутахассислар ёрдамида у оғриқлардан халос бўлди. Сўнгги ҳафталарда Рюдигер яна ўзининг юқори спорт формасини тиклаб, барқарор ўйин кўрсатмоқда.
2022-йилда Челси сафидан эркин агент сифатида келган Антонио Рюдигер қисқа вақт ичида Карло Анселотти жамоасининг асосий таркиб футболчисига айланди. Унга Саудия Арабистони клубларидан катта таклифлар бўлишига қарамай, у Испания пойтахтини тарк этишни истамади ва фаолиятини Реал Мадридда давом эттиришга қарор қилди.
