Арсенал 22 йиллик танаффусдан сўнг Англия чемпиони бўлди
Лондоннинг Арсенал клуби мухлислари Эмиратес Стадиум атрофини байрамона кайфиятда тўлдиришди. Манчестер Сити жамоасининг Борнмут билан 1:1 ҳисобидаги дуранг ўйини Микел Артета шогирдларининг муддатидан аввал Англия Премер-лигаси ғолиби бўлишини таъминлади. Бу ҳақда Goal.com хабар беради.
Ижтимоий тармоқларда тарқалган видеоларда минглаб мухлислар қизил машъалалар ёқиб, байроқлар билан ўз жамоасининг тарихий ғалабасини нишонлаётгани акс этган. Бу натижа Арсенал учун 2003-2004-йилги мавсумдан буён қўлга киритилган илк чемпионлик унвонидир.
Пеп Гуардиола бошчилигидаги Манчестер Сити сафарда очко йўқотгач, чемпионлик пойгаси якунланди. Эли Жуниор Кроупи томонидан киритилган гол ва Эрлинг Холанднинг жавоб голи Ситй учун етарли бўлмади, бу эса Лондон клубига муддатидан аввал совринни кафолатлади.
Микел Артета ўз жамоаси билан узоқ йиллик кутишга чек қўйди. Жамоа эндиликда якшанба куни Кристал Пеласга қарши ўйинни байрамона кайфиятда ўтказади ва 30-май куни Будапештда PSJга қарши Чемпионлар лигаси финалига тайёргарлик кўради.
