Тоттенхем Челси билан ўйинда мағлуб бўлди: Премер-лигада қолиш масаласи сўнгги турга қолди
Англия Премер-лигасининг навбатдаги турида Тоттенхем сафарда Челси меҳмони бўлди ва 1:2 ҳисобида мағлубиятга учради. Роберто Де Зерби шогирдлари учун бу мағлубият жамоанинг тўрт ўйинлик мағлубиятсиз сериясига чек қўйди ва уларнинг чемпионатда жон сақлаб қолиш учун курашини янада қийинлаштирди. Бу ҳақда Goal.com хабар беради.
Учрашувнинг дастлабки дақиқаларида Тоттенхем фаолроқ ҳаракат қилди. Матҳйс Телнинг боши билан йўллаган зарбаси дарвоза устунига тегиб қайтган бўлса, Антонин Кинскй Коул Палмернинг хавфли зарбасини қайтаришга муваффақ бўлди. Бироқ, кўп ўтмай Энзо Фернандез 25 метр масофадан дарвозани аниқ нишонга олиб, ҳисобни очди.
Иккинчи бўлимда Челси устунликни ўз қўлида сақлаб қолди ва Андрей Сантос ҳисобни 2:0 кўринишига келтирди. Oraдан беш дақиқа ўтиб, Ричарлисон Папе Матар Саррнинг узатмасидан сўнг гол уриб, жамоасига умид бағишлади. Бироқ, ўйин якунига қадар ҳисоб ўзгармади.
Ушбу натижадан сўнг Тоттенхем Премер-лигада қолиш учун якуний турда Эвертон билан бўладиган баҳсда камида бир очко олиши шарт. Жамоа ҳимояси ва дарвозабоннинг хатолари бу муҳим ўйинда қимматга тушди.
