ОАВ: Лионель Месси “эл-класико” гача сафга қайтиши мумкин

“Барселона” жамоасининг аргентиналик ҳужумчиси Лионель Месси Испания чемпионатининг 12-турида “Реал”га қарши ўтказиладиган “эл-класико” баҳсигача жароҳатидан тузалиб, сафга қайтиши мумкин. Бу ҳақда El Mundo Deportivo хабар берган.

Месси Испания Примераси 6-туридан ўрин олган “Лас-Пальмас”га қарши учрашувнинг 10-дақиқасида жароҳат олгани туфайли алмаштирилганди.

Бироз ўтиб, Каталония клуби расмий сайти Мессининг тикланиши учун 7-8 ҳафта талаб этилиши ҳақида хабар тарқатганди.

Текширувлардан кейин маълум қилинишича, у 21 ноябрь куни \"Реал\"га қарши ўтадиган баҳсгача тайёр бўлиши мумкин.

Аргентина терма жамоаси шифокори Донато Виллани \"Барселона\" ҳужумчиси Лионель Мессининг жароҳати ҳақида ижобий гаплар айтган.

\"Мессидаги жароҳат тузалиши учун 7 ёки 8 ҳафта керак. Шундан сўнг муаммосиз ўйнаса бўлади.
Аммо мен Леони узоқ йиллардан буён биламан ва у сафга эртароқ қайтиши ҳам мумкин. Чунки у ўйнамаса тура олмайди\", - дейди Виллани.