Исроил Мадримовдан навбатдаги ишончли ғалаба!

Россиянинг Белоярский шаҳрида давом этаётган бокс бўйича “Нефт мамлакатлари кубоги” навбатдаги кунги беллашувларида 75 кг вазн тоифасида рингга чиққан Исроил Мадримов ўзининг зафарли юришини давом эттирмоқда.

Илк беллашувда қозоғистонлик Амандик Манашевни ишончли тарзда мағлуб этган боксчимиз бу сафар россиялик Владимир Мирочников билан куч синашди.

Қизиқарли ва муросасиз ўтган қарама-қаршиликда боксчимиз ғалабага эришди ва кейинги босқичга йўл олди.