«Ювентус» «Милан»ни мағлуб этиб, пешқадамликни «Интер»дан қайтариб олди

^{Фото: Twitter}
Футбол бўйича Италия А Сериясининг 12-туридан ўрин олган марказий учрашув якунига етди.
Туринда «Ювентус» «Милан»ни қабул қилиб, Пауло Дибаланинг 77-дақиқада киритган ягона голи эвазига уч очколи бўлди.

Ушбу ғалабадан сўнг туринликларнинг очкоси 32 тага етди ва жамоа 31 очкога «Интер»ни қувиб ўтиб яна А Серия пешқадамига айланди. Миланликлар эса 13 очко билан 14-ўринни банд этиб турибди.

«Ювентус» – «Милан» 1:0
Гол: 1:0 – 77 Дибала.

«Ювентус» – Шченсни, Куадрадо, Бонуччи, де Лигт, Алекс Сандро, Бентанкур, Пьянич, Матюиди (Рабио, 70), Бернардески (Дуглас Коста, 61), Игуаин, Роналду (Дибала, 55).

«Милан» – Доннарумма, Конти, Лео Дуарте, Романьоли, Тео, Лукас Пакета (Ребич, 85), Беннасер, Крунич (Бонавентура, 61), Сусо, Пионтек (Рафаэл Леау, 66), Чалханўғлу.
Огоҳлантиришлар: Крунич (40), Беннасер (45), Куадрадо (56), Тео (89), Чалханўғлу (90), Сусо (90).