U-23 Осиё чемпионати стартига 22 кун қолди

Яна 22 кундан сўнг Таиландда навбатдаги U-23 Осиё чемпионатига старт берилади.
Мазкур мусобақанинг эътиборли томони шундаки, бунда кураш Олимпиада йўлланмаси учун кечади. 16та жамоа иштирок этадиган мусобақа якунида кучли учликка кирганлар Токио Олимпиадаси-2020га йўлланма олишади.

Агар Япония U-23 терма жамоаси кучли учталикда бўлса, унда тўртинчи жамоага ҳам имтиёз берилади. Хабарингиз бор, Ўзбекистон олимпия терма жамоаси тайёргарликнинг ҳал қилувчи босқичини ўташ мақсадида Дубайга йўл олди. Вакилларимиз у ердан тўғри Бангкок сари парвоз қилишади.

Любинко Друлович бошқарувидаги Ўзбекистон U-23 терма жамоаси гуруҳ ўйинларини Эрон (9 январь), Хитой (12 январь) ва Жанубий Кореяга (15 январь) қарши ўтказади.

8 январь куни старт оладиган мусобақанинг 1-тур ўйинлари қуйидагича:

\"A\" гуруҳи. 1-тур. 8 январь
Ироқ - Австралия
Таиланд - Баҳрайн

\"B\" гуруҳи. 1-тур. 9 январь
Қатар - Сурия
Япония - Саудия Арабистони

\"C\" гуруҳи. 1-тур. 9 январь
Ўзбекистон - Эрон
Жанубий Корея - Хитой

\"D\" гуруҳи. 1-тур. 10 январь
Вьетнам - БАА
КХДР - Иордания