Ўзбекистон ММА ассоциациясида нима гаплар?

Кеча, бир қатор аралаш жанг санъати усталари ҳамда мураббийлар Ўзбекистон ММА ассоциацияси президенти Отабек Умаров билан учрашдилар. Ассоциация раҳбари спортчи ва мураббийларни янги йил билан табриклаб, келгусида ҳам уларга муваффақият ҳамда ғалабалар ёр бўлишини тилади.

ММА мураббийлари билан суҳбатда Отабек Муҳаммадалиевич янги йилдаги режалар ва Аралаш жанг санъатлари ассоциациясини ривожлантириш истиқболларини муҳокама қилди.

Шунингдек, ўзбекистонлик ёшларда, айниқса, ушбу спорт турида юқори марраларга эришиш учун улкан имкониятлар борлиги алоҳида таъкидлаб ўтилди.