Элдор Шомуродов ўзбек мухлисларига салом йўллади

Италия А Сериясининг 33-турида \"Женоа\" \"Специя\"ни 2:0 ҳисобида мағлубиятга учратди. Учрашувда иккинчи голни урган Элдор Шомуродов қуйилаги фикрларни билдириб ўтди:

\"Ҳа, бугун гол урганимдан жуда ҳам хурсандман. Ушбу голни ўғлимга бағишлайман. Барча ўзбекистонликларга салом. “Женоа”га мухлислик қилишда давом этинг. Худо хоҳласа, янаям яхши ўйинлар билан хурсанд қилишга ҳаракат қиламиз\", - деди Элдор.

Ўзбекистонлик футболчи А Сериядаги сўнгги кетма-кет 9 та ўйинида гол ура олмаганди. Бу серия 10-ўйинга келиб бузилди. Сўнгги бор Элдор «Верона»га қарши кечган 20 февраль кунги ўйинда (2:2) гол урганди.

Шу тариқа Шомуродовнинг 429 дақиқа давом этган голсиз серияси якун топди.