Расмий хабар: Эктор Купер - Конго ДР термаси бош мураббийи!

2018-2019 йиллар давомида Ўзбекистон миллий термасида ишлаган Эктор Купер фаолиятини Конго Демократик Республикаси термасида давом эттиради.

Конго ДР термаси Қатарда бўладиган ЖЧ-2022 саралашининг 2-босқичи J гуруҳидан ўрин олган ва Бенин, Мадагаскар ҳамда Танзания термалари билан куч синашади. Терманинг дастлабки ўйини 1 сентябрь куни Танзания термасига қарши ўтказилади.

Қайд этиш керак, Эктор Купер Россияда бўлган 2018 йилги мундиалга Миср термасини олиб чиққан ва унда муваффақиятсизликка учраганди.