"У бу совринга лойиқ эмас"

Франция терма жамоаси собиқ футболчиси Жан-Пьер Папен бугунги маросимда ПСЖ ҳужумчиси Лионель Месси \"Олтин тўп\"га лойиқ эмаслигини айтди.

\"Месси Америка Кубогини ютганидан кейин ПСЖда нима қилди? У Франция чемпионатида битта, Чемпионлар лигасида 3 та гол урган.

Месси билан адоватим йўқ. Лео тарихдаги энг яхши футболчилардан бири. Бироқ \"Олтин тўп\"га у лойиқ эмас. Мессининг ғалабаси мазкур совринни қадрсизлантиради.

Бутун мавсум давомида яхши ўйнаш қийин. Биз эса бундай футболчиларни совриндан маҳрум қиляпмиз\", - деди Папен.