Жалолиддин Машариповнинг трансфер нархи кўтарилди

Трансфер нархлари билан шуғулланувчи \"Transfermarkt\" портали футболчиларнинг янгиланган баҳосини маълум қилди.

Саудия Арабистонининг \"Ал-Насср\" жамоаси сафида ҳаракат қилаётган легионеримиз Жалолиддин Машариповнинг янги нархи 3 миллион евро (аввал 2,8 миллион евро эди) этиб белгиланди.

Ушбу ўзгаришдан сўнг Машарипов ўзбекистонлик футболчилар орасида 3-ўринда жойлашган. Римнинг \"Рома\" клубида ўйнаётган Элдор Шомуродов юртимиздаги энг қиммат футболчи саналади. Унинг трансфери 12 миллион еврога баҳоланган. Иккинчи ўриндаги Отабек Шукуров (\"Шаржа\" БАА) 3,5 млн евро ҳисобланади.