Инсайд: iPhone 18 Pro Max тарихдаги энг оғир iPhone бўлади

Тармоқда iPhone 18 Pro ва Pro Max ҳақида янги тафсилотлар пайдо бўлди - Instant Digital инсайдерининг ёзишича, Apple’нинг янги флагманлари аввалгиларидан сезиларли даражада қалинроқ ва оғирроқ бўлади.

Instant Digital маълумотларига кўра, iPhone 18 Pro Max 240 граммдан оғирроқ бўлади. Таққослаш учун:

• iPhone 17 Pro Max - 233 грамм,
• iPhone 16 Pro Max - 227 грамм.

Айни пайтда тарихдаги энг оғир iPhone iPhone 14 Pro Max бўлиб қолмоқда - унинг оғирлиги 240 грамм.

Инсайдер смартфоннинг қалинлиги ҳақида батафсил маълумот бермаган, бироқ iPhone 18 Pro Max қалинроқ бўлиши керак. iPhone 17 Pro Max қалинлиги - 8,75 мм. Тармоқдагилар смартфоннинг оғирлиги ва қалинлиги ортиши ҳисобига катта сиғимли аккумуляторга эга бўлиши кутилмоқда.