SpaceX компанияси 25 та Старлинк сунъий йўлдошини орбитага муваффақиятли чиқарди
SpaceX компанияси 2026 йил 26 апрель куни Калифорниядаги Ванденберг базасидан Фалcон 9 FT Блоcк-5 ракетасини муваффақиятли парвоз қилдирди. Старт Тошкент вақти билан соат 19:37 да SLC-4Э майдончасидан амалга оширилди. Бу ҳақда Ixbt.com хабар беради.
Ракета Ер яқинидаги орбитага Старлинк-17.16 туркумидаги 25 та сунъий йўлдошни олиб чиқди. Парвоз муваффақиятли якунланиб, барча космик аппаратлар белгиланган орбитал позицияларга жойлаштирилди.
Ушбу миссияда B1088 рақамли биринчи поғонадан 15 марта фойдаланилди. Иккинчи поғонадан ажралганидан сўнг, у Тинч океани акваториясидаги OCISLY денгиз платформасига хавфсиз тарзда қўнди.
Эслатиб ўтамиз, аввалроқ Бойқўнғир космодромидан Россиянинг «Прогресс MS-34» юк кемаси ҳам коинотга муваффақиятли учирилган эди.
