Даниел Эк қўллаб-қувватлаётган Ҳелсинг компанияси 18 миллиард долларга баҳоланди
Европанинг ҳарбий дронлар ишлаб чиқарувчи Ҳелсинг стартапи 1,2 миллиард доллар миқдорида янги инвестиция жалб қилиш арафасида. Ушбу келишув натижасида компаниянинг умумий қиймати қарийб 18 миллиард долларга етиши кутилмоқда. Финансиал Times нашрининг хабар беришича, молиялаштириш босқичига Dragonеер компанияси бошчилик қилади, Lightsпеед эса ҳамкор инвестор сифатида иштирок этади. Бу ҳақда Techcrunch.com хабар беради.
Ҳелсинг ўзининг охирги йирик сармоясини 2025-йил июн ойида жалб қилган эди. Ўша вақтда Spotify асосчиси Даниел Эк бошчилигидаги гуруҳ компанияга 600 миллион евро киритган, натижада унинг қиймати 12 миллиард евро (14 миллиард доллар) деб баҳоланган эди. Янги келишув компания учун сезиларли ўсишни англатади.
Ҳозирги кунда Европада мудофаа технологиялари соҳасида кўплаб стартаплар фаолият юритмоқда, бироқ Ҳелсинг инвесторлар назарида энг қимматли лойиҳа ҳисобланади. Таққослаш учун, Германиянинг Қуантум Сйстемс дрон ишлаб чиқарувчиси 3 миллиард евродан ортиқ, Лиссабонда жойлашган Текевер эса 1 миллиард фунт стерлингдан юқори баҳоланган.
Россия ва Украина ўртасидаги давом этаётган уруш янги технологиялар учун синов майдонига айланди. Шу сабабли, автоном мудофаа тизимларини ишлаб чиқувчи стартаплар венчур фондлари учун энг жозибадор йўналишлардан бирига айланган. Ҳозирча Ҳелсинг, Dragonеер ва Lightsпеед вакиллари ушбу хабарлар юзасидан расмий изоҳ беришдан бош тортишди.
