Huawei Пура 90 Pro Max смартфонида "шаффофлик" эффекти намойиш этилди

Хитойнинг технология гиганти Huawei ўзининг янги дастурий ечимлари билан фойдаланувчиларни ҳайратда қолдиришда давом этмоқда. Машҳур техноблогер Ice Universe ўзининг ижтимоий тармоқлардаги саҳифасида Huawei Пура 90 Pro Max моделининг энг қизиқарли функцияларидан бирини кўрсатиб берди. Бу ҳақда Ixbt.com хабар беради.

Видеода смартфон қулф экранида ишга тушадиган жонли фон расми (ливе валлпапер) намойиш этилган. У реал вақт режимида орқа камерадан фойдаланиб, тасвирни сезиларли даражада хиралаштиради. Натижада смартфон гўё шаффофдек таассурот қолдиради ва бу фон устида вақт ҳамда сана кўрсаткичлари жуда замонавий кўринишда акс этади.

Янги туркумнинг сотув кўрсаткичлари ҳам юқори натижаларни қайд этмоқда. Расмий маълумотларга кўра, Huawei Пура 90 Pro модели сотувга чиққан дастлабки 5 кун ичида 98 000 марта фаоллаштирилган. Қимматроқ бўлган Пура 90 Pro Max версияси эса худди шу давр ичида 73 000 та фаоллаштириш натижасини кўрсатди.

Умуман олганда, Huawei Пура 90 серияси ўзидан олдинги авлод вакилларига қараганда 1,5 баробар яхшироқ сотилмоқда. Бу эса компаниянинг бозордаги мавқеи мустаҳкамланиб бораётганидан далолат беради.