Yamaha birinchi avtomobilini taqdim etadi

Motosikl, vezdexod, qordayurar ishlab chiqarishi bilan tanilgan yapon kompaniyasi ilk bor avtomobil ishlab chiqarishga tayyorgarlik ko‘ryapti. Avtomobil bo‘lganda ham, naq giperkar chiqarishni ko‘zlamoqda.

Yamaha avtomobili o‘tgan yili Tokiodagi motor-shouda namoyish etilgan Sports Ride konseptual rusumi asosida yasalishi ehtimolga yaqinroqdir. Xabarlarga ko‘ra, seriyali versiyasini ishlab chiqarish kelgusi yildan boshlanadi. Biroq texnik ko‘rsatkichlari haqida hech qanday ma’lumot yo‘q.