Tesla Model Y'ga yangi tezlashtirish funksiyasi joriy etildi

Tesla kompaniyasi AQShda Model Y avtomobili uchun yangi to‘lovli funksiya — Acceleration Boost\'ni taqdim etdi, deb Pepelac News xabar berdi. Bu funksiya orqali foydalanuvchilar Tesla ilovasi orqali 2 000 dollar (taxminan 25 million so‘m) to‘lab, avtomobilning quvvatini 100 ot kuchiga oshirishlari va 0dan 96 km/soatgacha tezlashish vaqtini 4,6 soniyadan 4,2 soniyagacha qisqartirishlari mumkin.

Bu funksiya, ayniqsa, Performance versiyasi hali chiqmagan holda, entuziastlar uchun mavjud konfiguratsiyadan maksimal foyda olish imkonini beradi. Yangi Model Y Long Range AWD versiyasi AQShda xaridorlarga yetkazib berilmoqda va Acceleration Boost bu versiya uchun birinchi to‘lovli funksiya hisoblanadi.