Yangi Cobalt modeli Onix’dan qimmat bo‘ldi

UzAuto Motors 3-noyabrdan boshlab yangi Chevrolet Cobalt modellari sotuvi boshlanishini ma’lum qildi. Yangi model ikki xil komplektatsiyada taqdim etiladi: Style MCM — 156 100 000 so‘m, Midnight MCM — 165 200 000 so‘m.

Shu bilan birga, mavjud Cobalt modellarining narxi o‘zgarishsiz qolmoqda: Style AT Plus — 147 916 000 so‘m, Midnight AT — 155 231 000 so‘m.

Qiziq jihati shundaki, yangi Cobalt Midnight MCM narxi 161,9 mln so‘mlik Onix’ning oddiy modelidan ham qimmatroq bo‘ldi. Bu holat ikki modelni tanlashda iste’molchilarni jiddiy o‘ylantirishi mumkin.